Premijer Zdravko Krivokapić, predsjednik Skupštine Aleksa Bečić i potpredsjednik Vlade Dritan Abazović su u svojim tvitovima osude ometanja novinarske ekipe TV Vijesti na radnom zadatku juče na Cetinju pokazali svoje pravo političko lice. Pokazali su ko su njihovi novinari, i čija su oni vlast. U žaru borbe za medijske slobode zaboravili su da osude i jučerašnji uličarski napad na jednu od vodećih novinarki regiona Tamaru Nikčević.
Sujeta, kompleksi i podjela na podobne i nepodobne novinare, još jednom su potvrdili da ova vlast jedno priča zapadnim partnerima, a drugo radi. Ali, pokazali i odsustvo njihovog političkog iskustva i demokratskog kapaciteta.
Međutim, od koga je, očekivano je. Upravo iz tih krugova i partija se već poduže istrajava u targetiranju Tamare Nikčević. Jučerašnji napad na nju samo je još jedan rezultat crtanja meta i govora mržnje od strane aktuelne vlasti usmjerenog prema slobodnim pojedincima.
Nela Savković Vukčević, članica Izvršnog odbora DPS Crne Gore
