Početkom pretkrizne 2019. godine, prema podacima Monstata, cijena prosječnog m2 stana u Podgorici iznosila je 1.209€. Prema toj cijeni, stan od 50m2 vrijedio je oko 60.000€. Za tu vrijednost stana, dug za kredit na period od 20 godina iznosio je oko 91.000€, sa mjesečnom ratom od 382€.
Danas, uz realnu cijenu m2 od 1.700€, vrijednost tog stana porasla je na 85.000€. Uz očekivani i realni rast kamatne stope, iznos duga za kredit na 20 godina bio bi oko 151.000€, a mjesečni anuitet bi iznosio 630€.
Sama vrijednost stana za 4 godine povećana je za 25.000€, ukupan iznos duga za kredit na 66.000€, a mjesečna rata za 250€. Dakle, za istu nekretninu koja se kupuje danas, u odnosu na period od prije 4 godine, usljed rasta cijena nekretnina i kamatnih stopa, anuitet je veći za čak 65%.
Ovim zabrinjavajućim trendovima pogođene su mnoge kategorije društva (podstanari, mladi bračni parovi). Cijene rentiranja stanova su višestruko uvećane. Država mora sprovesti mjere kojima bi, makar privremeno, ublažila posljedice ovakvih trendova i pomogla ugroženim građanima.
Mihailo Anđušić, poslanik DPS-a u Skupštini Crne Gore
